ایلون مسک کو کمپنی خریدنی ہوگی جیسا کے پہلے طے ہوا تھا: ٹوئٹر

ایلون مسک کو کمپنی خریدنی ہوگی جیسا کے پہلے طے ہوا تھا: ٹوئٹر

ایلون مسک کو کمپنی خریدنی ہوگی جیسا کے پہلے طے ہوا تھا: ٹوئٹر
ٹوئٹر کا کہنا ہے کہ سوشل میڈیا پلیٹ فارم ایلون مسک کو سودا ختم کرنے کی کوشش کرنے کے باوجود کمپنی خریدنے پر مجبور کرے گا۔

ایلون مسک نے جمعے کے روز قانونی دستاویزات میں اعلان کیا تھا کہ وہ 44 کروڑ ڈالرز میں ٹوئٹر خریدنے کے معاہدے سے دستبردار ہوجائیں گے۔

ایلون مسک کے وکیل کے مطابق ٹوئٹر نے پلیٹ فارم پر بوٹس اور جعلی اکاؤنٹس کی موجودگی کے متعلق ایلون مسک کو گمراہ کیا جس کے نتیجے میں یہ معاہدہ ختم ہوتا ہے۔

لیکن ٹوئٹر کا کہنا ہے کہ کمپنی ابھی بھی اس معاہدے کو فعال سمجھتی ہے جس کے مطابق ایلون مسک کو کمپنی خریدنی ہوگی جیسا کے پہلے طے ہوا تھا۔

ٹوئٹر کے چیئرمین بریٹ ٹیلر نے ایک ٹویٹ میں کہا کہ ٹوئٹر بورڈ ایلون مسک کے ساتھ طے کردہ قیمت اور شرائط کے تحت معاہدے پر عمل درآمد کرانے پر پابند ہے اور بورڈ معاہدے کو پورا کرنے کے لیے قانونی چارہ جوئی کا ارادہ رکھتا ہے۔

ان کا کہنا تھا کہ ہم پُراعتماد ہیں کہ ڈیلا ویئر کورٹ آف چانسری میں کامیاب ہوں گے۔

ایلون مسک کا خط یہ بات واضح کرتا ہے کہ ان کے وکلاء یہ سمجھتے ہیں کہ یہ معاہدہ منسوخ ہوچکا کیوں کہ ایلون مسک کا ماننا ہے کہ ٹوئٹر جعلی اکاؤنٹس کے متعلق تفصیلی معلومات اور روزانہ کے فعال صارفین کے حوالے سے اپنے اقدامات کے متعلق بتانے میں ناکام رہا ہے۔

Spread the love

Leave a Reply

Your email address will not be published. Required fields are marked *