آذربائیجان کے فنکار کے تیار کردہ پگھلتے ہوئے قالین توجہ کا مرکز بن گئے، روایت اور جدتکا ایسا امتزاج شاید ہی کہیں دیکھنے کو ملے۔
آذربائیجان کے ایک فنکار نے قالین کے خاص ڈیزائینوں سے دنیا کو حیرت میں ڈال دیا، ان کی سب سے عمدہ تخلیق وہ قالین ہے جو اوپر سے بالکل درست لگتا ہے لیکن جیسے ہی ہم نیچے دیکھتے ہیں تو ایسا لگتا ہے کہ اس کے رنگ بہہ کر زمین پر پھیل گئے ہیں۔
آذربائیجان میں قالین بافی کی تاریخ ہزاروں سال پرانی ہے، فائق احمد کے ڈیزائن روایتی انداز سے شروع ہوتے ہیں، لیکن بعد میں ایسا لگتا ہے کہ ڈیزائن خراب ہوگیا ہے۔
کہیں اس کے پکسل بن جاتے ہیں یا رنگ برنگی بھنور کی شکل اختیار کرلیتے ہیں لیکن فائق اس خوبصورتی سے یہ کام کرتے ہیں کہ ہر قالین شہہ پارہ بن جاتا ہے۔
فائق احمد نے ایک قالین کو کچھ اس طرح بنایا ہے کہ اس میں قالین در قالین ایک لامتناہی ڈیزائن کی صورت میں نظر آتا ہے، لیکن ان میں سے بہت کم قالین ہی فروخت کے لیے پیش کئے گئے ہیں،، کیونکہ فنکار کو اپنی ہر تخلیق سے بے پناہ محبت ہے۔
