پاکستانی مداحوں کا آنجہانی گلوکار ’سدھوموسے والا‘ سے محبت کا اظہار

پاکستانی مداحوں کا آنجہانی گلوکار ’سدھوموسے والا‘ سے محبت کا اظہار

معروف بھارتی گلوکار سدھو موسے والا کی المناک موت کے بعد پاکستانی مداحوں نے اپنی گاڑیوں ٹرکوں پر مقتول پنجابی گلوکار کی تصاویر بنوانا شروع کردی ہیں۔

تفصیلات کے مطابق بھارتی پنجاب سے تعلق رکھنے والے مشہور گلوکار سدھو موسے والا کچھ روز قبل ٹارگٹ حملے میں قتل کردئیے گئے تھے، گلوکار کے قتل کی خبر بھارت سمیت دنیا بھر میں موجود ان کے مداحوں کے لیے شدید غم و اندوہ کا باعث بنی۔

سدھو موسے والا کی موت کے بعد پاکستانی مداحوں نے بھی گلوکار کو خراج تحسین پیش کرتے ہوئے انہیں لیجنڈ قرار دیا اور گلوکار کی تصاویر اپنی گاڑیوں پر لگانا شروع کردی ہیں۔

پنجاب کے مختلف شہروں میں کاروں اور ٹرکوں پر سدھو موسے والا کے اسٹیکرز لگائے جارہے ہیں جس کی ویڈیو سوشل میڈیا پر بھی وائرل ہورہی ہیں۔

مائیکرو بلاگنگ ویب سائٹ ٹویٹر پر ایفّی نامی صارف کی جانب سے ایک ویڈیو شئیر کی گئی جس میں ٹرک کے پیچھے سدھو موسے والا کی تصویر بنی ہوئی ہے۔

ویڈیو پر تبصرہ کرتے ہوئے فریحہ نامی صارف نے کہا کہ سدھو تو فوت ہوگیا ہے لیکن پنجابیوں کو ایک کر گیا ہے، پہلی بار لگا کہ بارڈر ہیں ہی نہیں، کسی بارڈر سے کوئی فرق نہیں پڑتا۔

واضح رہے کہ قتل سے رواں برس مارچ میں سدھو موسے والا نے بیرون ملک میں ایک لائیو کنسرٹ کے دوران پاکستانی مداحوں سے جلد پاکستان آنے کی خواہش کا اظہار کیا جو پوری نہ ہوسکی۔

The post پاکستانی مداحوں کا آنجہانی گلوکار ’سدھوموسے والا‘ سے محبت کا اظہار appeared first on ایکسپریس اردو.

Spread the love

Leave a Reply

Your email address will not be published.