گوگل نے نئے ڈوڈل کے ساتھ 2021 کا آغاز کر دیا

گوگل نے نئے ڈوڈل کے ساتھ 2021 کا آغاز کر دیا

گوگل نے نئے ڈوڈل کے ساتھ 2021 کا آغاز کر دیا

دنیا بھر میں عالمی وبا کورونا وائرس کی وجہ سے محدود تقریبات کے ساتھ سال 2020 کو الوداع کہہ کر سال 2021 کا آغاز کردیا گیا ہے۔

جس طرح دنیا بھر الگ الگ انداز سے نئے سال کا خیرمقدم کیا جاتا ہے اسی طرح انٹرنیٹ کا سب سے بڑا سرچ انجن گوگل بھی ہر اہم موقع پر ڈوڈل جاری کرتا ہے اور اس سال بھی گوگل نے نئے سال کا آغاز اپنے منفرد ڈوڈل سے کیا ہے۔

گوگل نے سال 2021 کے موقع پر ڈوڈل جاری کیا ہے جس میں گوگل کے اردگرد رنگی برنگی لائٹس روشن ہیں اور گھر کی شکل والی کلاک سے ایک چڑیا باہر آرہی ہے۔

 

ڈوڈل میں ایک پرندے کو 12 بجتے ہی کلاک سے باہر آتے دیکھا جاسکتا ہے اور اس برڈ-ہاؤس کلاک پر سال 2021 بھی لکھا ہوا ہے۔

گوگل کے ڈوڈل میں موجود پرندے کو نئے سال کے آغاز کی خوشی مناتے دیکھا جاسکتا ہے۔

اس موقع پر گوگل نے ڈوڈل کو بیان کرتے ہوئے کہا کہ نئے سال کو خوش آمدید کہنے کا وقت آگیا ہے۔

گزشتہ روز سال 2020کے آخری روز گوگل نے ایک ڈوڈل جاری کیا تھا جس میں گوگل کے حروف کے گرد لائٹس روشن تھیں اور ایک پرانے طرز کی برڈ-ہاؤس کلاک 12 بجنے کی منتظر تھی اور رات 12 بجنے کے بعد اس ڈوڈل کو سالِ نو سے تبدیل کیا گیا۔

خیال رہے کہ گوگل ہر سال کے آغاز پر منفرد ڈوڈل جاری کرکے سالِ نو کی خوشی مناتا ہے۔

سرچ انجن گوگل کی جانب سے سال 2001 میں سالِ نو کا پہلا ڈوڈل جاری کیا گیا تھا۔

گوگل نے ڈوڈل جاری کرنے کا آغاز 2 دہائیاں قبل ہی شروع کیا تھا جب کہ گوگل کا آغاز 1998 میں ہوا تھا اور اسے دنیا کی سب سے بڑی سرچ انجن اور انٹرنیٹ کمپنی کا اعزاز حاصل ہے۔

یوٹیوب اور جی میل بھی گوگل کا ہی حصہ ہیں، علاوہ ازیں کئی دیگر انٹرنیٹ منصوبے بھی گوگل کا حصہ ہیں۔

Spread the love

Leave a Reply

Your email address will not be published. Required fields are marked *