اداکارہ نادیہ خان نے اپنی فیملی سے متعلق اہم بات برسوں چھپا کر رکھی، آخر وجہ کیا؟؟؟ جانئے خبر میں

حال ہی میں معروف میزبان نادیہ خان نے فوٹو اور ویڈیو شیئرنگ ایپ انسٹاگرام پر اپنی ایک فیملی تصویر پوسٹ کی جس میں اُن کے ہمراہ اُن کے تینوں بچے یعنی بیٹی اور دو بیٹے ہیں۔

تصویر پوسٹ کرتے ہوئے نادیہ خان نے لکھا کہ ’میں نے اپنے چھوٹے بیٹے کیان کے ساتھ پہلی مرتبہ ایک فیملی تصویر آپ سب کے ساتھ شیئر کی ہے۔‘

نادیہ خان نے اپنے بچوں کی بھرپور زندگی کے لیے دُعا کی اپیل کرتے ہوئے لکھا کہ ’براہ مہربانی ماشاءاللّہ کہیں اور میرے بچوں کی لمبی عُمر اور صحت مند زندگی کے لیے دُعا کریں۔‘

اُنہوں نے مزید لکھا کہ ’میرے بچوں کی تمام خالہ اور ماموں کے لیے بھی دُعا کریں۔‘

نادیہ خان کی اِس پوسٹ پر صرف چند ہی گھنٹوں میں 17 ہزار سے زائد لائکس آچکے ہیں اور نادیہ خان کے چاہنے والے اُن کے لیے اور اُن کے بچوں کے لیے نیک خواہشات کا اظہار بھی کر رہے ہیں۔