گزشتہ دنوں رابی پیرزادہ نے ٹوئٹر پر اپنی ایک پینٹنگ کی تصویر شیئر کی تھی جس پر گلوکار عدنان سمیع نے ان کی پینٹنگ کی تعریف کی تھی۔
رابی پیرزادہ کی پینٹنگ کو جہاں گلوکار عدنان سمیع نے سراہا تو وہیں چند پاکستانی صارفین نے ان پر تنقید کی تھی اور کہا تھا کہ یہ پینٹنگ آپ نے خود نہیں بنائی۔
پاکستان میرا دل اور جان ہے۔ اور آپ لوگ میرے اپنے ہیں۔ میں اپنا وطن کبھی چھوڑ کر گئ تو مکہ جائوں گی۔ وہ چینل اور سوشل میڈیا جو پاکستان کا آرٹ پروموٹ نہیں کرتا پھر سے ایک بار منفی خبروں میں سب سے آگے تھا،پوسٹ کے کچھ لمحات بعد میں نے تردیدکردی کیا کسی نے اسکے بارے میں بات کی، pic.twitter.com/C5fP61PUxI
— Rabi Pirzada (@Rabipirzada) July 10, 2020
بعد ازاں رابی پیرزادہ نے اپنی ٹوئٹ میں کہا کہ لوگوں کے پاکستان چھوڑ کر چلے جانے کی وجہ یہ ہے کہ بھارت ہم سے کافی بہتر ہے، وہاں کے لوگوں نے کبھی مجھ پر طنز نہیں کیا اور نہ ہی مجھے تنقید کا نشانہ بنایا۔
علاوہ ازیں انہوں نے کہا کہ ہماری قوم کسی بھی شخص کی صلاحیتوں کی حقدار ہی نہیں ہے۔
اس کے ساتھ ہی رابی پیرزادہ نے پاکستان چھوڑنے کا بھی اعلان کیا۔
رابی پیرزادہ کے اس ٹوئٹ کے بعد صارفین نے انہیں تنقید کا نشانہ بنایا جس کے بعد انہوں نے یہ ٹوئٹ ڈیلیٹ کردیا۔
اب رابی پیرزادہ نے ٹوئٹ کی ہے کہ ’پاکستان میرا دل، میری جان ہے اور مجھے اپنے ملک کے لوگ بےحد عزیز ہیں، اور اگر میں کبھی اپنا وطن چھوڑ کر بھی گئی تو مکّہ جاؤں گی’۔
رابی پیرزادہ نے ٹوئٹ میں لکھا کہ وہ چینلز اور سوشل میڈیا پلیٹ فارمز جو پاکستان کے آرٹ کو پروموٹ نہیں کرتے انہوں نے ایک بار پھر مجھے منفی خبروں میں سب سے آگے کردیا ہے لیکن جب میں نے کچھ دیر بعد اپنے فیصلے کی تردید کردی تو کسی چینل نے میرے اس مثبت رویے کی طرف توجہ نہیں دی۔